- Derrick Charway er stipendiat ved Institutt for idrett og samfunnsvitenskap.
- Han disputerer 12.juni over avhandlinga: "Sustainable Development Goals Through Sport: An analysis of Policy Implementation in Ghana."
- Les nyheitsartikkel om avhandlinga: "Er idrett et godt verktøy for å oppnå FNs berekraftsmål? Ny studie viser klare utfordringar"
- Sjå disputasen direkte på NIHs YouTube-kanal.
- Les heile avhandlinga her
Bakgrunn
I dokumentet "Transforming our World: The 2030 Agenda for Sustainable Development" frå FN, blei det peika på at idrett kan vere ein nøkkel for å oppnå berekraftig utvikling. Dette førte til at land som Ghana starta samarbeid med ulike grupper for å få idrett inn i utviklingsplanane sine. Dei såg på idrett som ein måte å nå fleire av FNs berekraftsmål på.
I denne studien har stipendiaten sett på måla og tiltaka til både statlege og private idrettsorganisasjonar i Ghana. Han har undersøkt korleis desse bidreg til landets utvikling. Studien har fokusert på tre av FNs berekraftsmål: god helse (mål 3), likestilling mellom kjønna (mål 5), og reduksjon av ulikskap (mål 10).
Charvay har samla inn informasjon frå politikarar, idrettsleiarar på fleire nivå, og folk som jobbar med idrett for utvikling. Dei fann tre hovudproblem: lokale aktørar er ikkje involvert nok, organisasjonar for "idrett for utvikling" har ikkje nok innflyting, og det er ei skeiv fordeling av ressursar som favoriserer fotball.
Studien viser også at kulturelle normer og strukturelle hindringar kan gjere det vanskeleg å innføre tiltak for helse, funksjonshemming og likestilling. Men forskarane understrekar at det er viktig å bruke idrett som eit verktøy for berekraftig utvikling.
Funna kan hjelpe oss til å forstå mellom anna korleis idrett kan bidra til betre helse i lokalsamfunnet, korleis vi kan få fleire jenter til å delta i idrett, og korleis vi kan inkludere personar med nedsett funksjonsevne i idrettsaktivitetar.
Rettleiarar
Hovudrettleiar: Professor Åse Strandbu, Institutt for idrett og samfunnsvitenskap, NIH
Birettleiar: Professor Ørnulf Seippel, NIH og professor emeritus Barrie Houlihan, Loughborough University UK.
Komite
Leiar
Professor Chris Horbel, Institutt for idrett og samfunnsvitenskap, NIH
Opponentar
Professor Daniel Bloyce, University of Chester
Professor Hans Erik Næss, Kristiania University College
Disputasen vil bli leia av rektor Lars Tore Ronglan
Praktisk informasjon
Disputasen er open for alle og vil bli strømma direkte på NIHs YouTube-kanal.
Program
- 10.15-11.00: Prøveforelesning: "‘Sport for good’ – Impossible utopia or potential solution to societal challenges?"
- 13.00-16.00: Disputas over avhandlinga: "Sustainable Development Goals through Sport: An Analysis of Policy Implementation in Ghana".