IS215 Idrett og medium (Vår 2025)

Kort om emnet

Emnet gjev ei innføring i relasjonane mellom idrett og medium, med syn for historiske utviklingstrekk, og med teoretiske og kritiske drøftingar av korleis idrett og medium står i moglege avhengigheitsforhold til kvarandre i dag. Idrett må forståast breitt, ikkje berre som toppidrett eller konkurransesport.
Medium skal også forståast i vid forstand, og omfattar både bøker, film, foto, reklame, og sosiale medium, attåt meir tradisjonelle nyheits- og underhaldningsmedium (basis-medium). Kort sagt formidlar emnet korleis idrett og medium påverkar kvarandre - med det norske samfunnet som viktigaste referanseramme.

Læringsutbytte

Studentane skal etter gjennomført emne kunna 

• gjera greie for grunnleggjande forhold og definisjonar om ulike medium - og kjenna til mediebruk og medievanar i det norske samfunnet i dag

• skildra korleis idrett påverkar medieøkonomien i samtida, både nasjonalt og internasjonalt

• fortelja korleis sportsjournalistikken har utvikla seg historisk, gjennom ulike medium, og drøfta - også kritisk - kva bilete eller omgrep av idrett som denne journalistikken formidlar i dag

• tolka ulike medieforteljingar om idrett (så som fiksjonsfilmar, biografiar, tv-seriar, reklame)

• drøfta ved hjelp av fagomgrep, og reflektera kritisk over korleis idrett/idrettar blir påverka og endra av ulike medium - og om idrett (i ulik tyding) påverkar og endrar medium

• formidla dei ovanfornemnte problemstillingane i skriftlege og munnlege massemedie-tilpassa sjangrar

Læringsformer og aktiviteter

Emnet legg opp til både sjølvstudium, arbeidskrav og obligatoriske førelesingar. Førelesingane legg opp til både førearbeid og etterarbeid, stundom i grupper. Nokre førelesingar vil ha bidrag av gjester, i form av intervju og eller diskusjonar, eller større seminar. Førelesingane vil også vera arbeidsverkstader for ulike oppgåver, og føreset aktiv medverknad frå studentane. Eigeninnsats/studium i kollokviegrupper er ein føresetnad for god læring i emnet.

Arbeidskrav

To konkrete arbeidskrav er knytt til podkastsamarbeid. Eitt arbeidskrav gjeld utkast til mediekritisk blogg.

Emnet føreset dessutan minst 80 % oppmøte på førelesingane.

Arbeidskravet må være godkjent før sluttvurdering i emnet.

Vurdering/eksamen

• Individuelt: Levering (skriftleg) av tolking (referat+analyse+vurdering) av sjølvvald bok, film, serie, reklame - relatert til emnet idrett - eller sportssending på tv/radio.

• I grupper (2-3): Podkast-episode, med sjølvvald tema og problemstilling frå relasjonen mellom idrett/sport og medium/media.

Vurderingsvariablar i emnet er bestått/ ikkje bestått. Både gruppearbeidet og det individuelle arbeidet må ha «bestått» - for å nå karakteren bestått i emnet.