SJEKKLISTE
- Logg deg inn på Studentweb
- Klikk på menyvalget "Mer"
- Velg "Bestillinger" og klikk på "Politiattest"
- Følg instruksane og fullfør bestillinga på nettsida til politiet
- Du mottek attesten digitalt (Digipost, Eboks eller Altinn) eller per post
- Skriv ut begge sider av attesten, påfør studieprogram og klasse, og lever attesten til Servicetorget ved NIH (eller per post)
Kven skal levere politiattest?
Studentar som startar på følgande studiar må levere politiattest ved studiestart. Dette gjeld òg dersom du har bytta studieprogram eller fått innpass:
- Bachelor i friluftsliv, helse og naturguiding
- Bachelor i Sport Management
- Bachelor i trenerrollen og idrettspsykologi
- Bachelor i trening, helse og prestasjon
- Lærerutdanning i praktiske og estetiske fag for trinn 1-13, kroppsøving og idrettsfag
- Master i idrettsfysioterapi
- Fysisk aktivitet og funksjonshemming (FAF)
- Praktisk-pedagogisk utdanning (PPU)
Andre studieprogram
Studentar frå andre studieprogram enn nemnt over som skal ha praksis, klinisk undervisning eller datainnsamling undervegs i studiet med behov for politiattest, må sjølv ta kontakt med studieseksjonen for å få ei stadfesting på behovet for politiattest og informasjon om korleis du søkjer.
Kva skjer om du ikkje leverer?
Studentar som ikkje leverer politiattest jamfør reglane i forskrift om opptak til høgare utdanning, har ikkje rett til å delta i klinisk undervisning eller praksis ved den aktuelle utdanninga. Studentar vil difor miste sin studierett.
Korleis søkjer du?
Du søkjer om politiattest via Studentweb frå 1. august. Du kjem til eit ferdigutfylt skjema hos politiet. Sjekk at opplysningane stemmer og trykk send. Vi tilrår at du gjer dette snarast mogleg frå og med 1. august. Vent med å søkja om politiattest til du har fått tilgang til Studentweb (1. august).
Merk at politiet kan ha ei behandlingstid på inntil 3 veker.
Sjekk på «mine sider» hos politiet at politiattest er bestilt. Merk at det i nokre tilfelle vil stå i Studentweb at politiattest er bestilt, sjølv om det ikkje stemmer.
Du vil sjølv få politiattesten din, og må levere han til oss. Dette går ikkje automatisk via Studentweb. Dei fleste får politiattesten digitalt (Digipost, Eboks eller Altinn). Søkjarar som har reservert seg mot digital kommunikasjon med det offentlege, eller ikkje har digital postkasse, vil få politiattesten i posten.
Når skal du levere politiattesten til høgskulen?
Dersom du har fått studieplass og ikkje har merknad på politiattesten som er relevant for ditt studium, skal du legge fram politiattest seinast ved studiestart.
Dersom du har fått studieplass og har merknad på politiattesten som er relevant for studiet ditt, skal du sende politiattesten til Norges idrettshøgskole seinast 3 veker etter at du har fått tilbod om studieplass.
Hugs å levere begge sider av attesten. Skriv på studieprogram og klasse oppe i høgre hjørne av attesten.
Politiattesten skal ved levering til Norges idrettshøgskole ikkje vere eldre enn tre månader.
Kor skal du levere politiattesten?
Du leverer politiattesten i Servicetorget ved NIH, eller sender det til følgjande adresse:
Norges idrettshøgskole
Opptakskontoret
Postboks 4014 Ullevål Stadion
0806 Oslo
Kontakt
Studieseksjonen
E-post: ses@nih.no